नेपाली राष्ट्रिय क्रिकेट टोलीका सदस्य सन्दीप लामिछानेले नेपाल क्रिकेट संघ ‘क्यान’लाई पत्र लेख्दै राष्ट्रिय टिमबाट अलग भएको घोषणा गरेका छन्।

बलात्कार मुद्दामा दोषी ठहर भएपछि राष्ट्रिय लामिछानेले अध्यक्ष चतुरबहादुर चन्द र सचिव पारस खड्कालाई सम्बोधन गर्दै आफू राष्ट्रिय टिमबाट अलग भएको जानकारी गराएका हुन्।

आफू निर्दोष रहेको जिकिर गर्दै उनले अब न्याय नपाउँदा सम्म राष्ट्रिय टिमबाट अलग रहने बताएक हुन् । आफू जिन्दगीकै कठिन समयबाट गुज्रिरहेको भन्दै उनले क्यानलाई दुई पेज लामो पत्र लेखेका हुन् ।

क्यानले आयोजना गर्ने राष्ट्रिय तथा अन्तर्राष्ट्रिय  क्रिकेटबाट अलग भएको जनाउँदै उनले आफू आर्थिक रुपमासमेत कमजोर अवस्थामा रहेको भन्दै आफ्नो भुक्तानी समेत गर्दिनका लागि क्यानसँग आग्रह गरेका छन्।