काठमाडौँ । पछिल्लो पाँच महिनामा नेपालबाट ६ करोड बढीको कुरकुरे, कुरमुरे र लेज निर्यात भएको छ । भन्सार विभागको तथ्यांकअनुसार चालु आर्थिक वर्ष २०८०/८१ को पछिल्लो पाँच महिनामा ६ करोड २ लाख ३१ हजार रुपैयाँको कुरकुरे, कुरमुरे र लेज निर्यात भएको हो ।

उक्त अवधिमा विश्वका १७ वटाभन्दा बढी देशमा कुरकुरे, कुरमुरे र लेज निर्यात भएको भन्सार विभागले जनाएको छ । जसमध्ये सबैभन्दा धेरै भुटानमा २ करोड ७६ लाखको कुरकुरे, कुरमुरे र लेज निर्यात भएको छ ।

त्यस्तै, अष्ट्रेलियामा १ करोड २ लाख, भारतमा ३८ लाख, इटालीमा ४० लाख, बहराइनमा १८ लाख, कवेत र कतारमा १०/१० लाख र ओमानमा ११ लाखको कुरकुरे, कुरमुरे र लेज निर्यात भएको छ ।

यी बाहेक नेपालबाट विश्वका अन्य विभिन्न देशहरुमा पनि कुरकुरे, कुरमुरे र लेज निर्यात भएको भन्सार विभागले जनाएको छ ।