एजेन्सी – बार्सिलोनाले स्पेनिस ला लिगामा मंगलवार सानदार जित निकालेको छ।
शीर्षस्थानको बार्सिलोनाले उसकै मैदानमा मालोर्कालाई ५-१ ले हराउँदै दोस्रो स्थानको रियल म्याड्रिडसँगको अंक दूरीलाई पुनः बढाएको छ।
बार्सिलोनालाई सहज जित दिलाउन राफिन्हाले २, फेरान टोरेस, फ्रेंक डि जोङ र पोउ भिक्टरले समान १ गोल गरे।मालोर्काका भेडाट मक्यूले १ गोल फर्काए ।
बार्सिलोनाले १२ औं मिनेटमा टोरेसको गोलमा अग्रता लियो। ४३ औं मिनेटमा भेडाटले गोल गरेपछि खेल पहिलो हाफमा १-१ को बराबरीमा टुंगियो ।
५६ औं मिनेटमा राफिन्हाले पेनाल्टीमा गोल गरेपछि बार्सिलोना पुनः अग्रता लियो। ७४ औं मिनेटमा लामिन यामलको पासमा राफिन्हाले अर्को गोल गरे।
७९ औं मिनेटमा डि जोङ र ८४ औं मिनेटमा भिक्टरले गोल गरेपछि बार्सिलोनाले सजिलै खेल जित्यो ।
बार्सिलोनाको १६ खेलबाट ३७ अंक भएको छ । २ खेल कम खेलेको रियलको ३३ अंक छ । १६ खेलमा २४ अंकसहित मालोर्का छैटौं स्थानमा छ ।
