काठमाडौँ —कुशल भुर्तेलको उत्कृष्ट प्रदर्शनमा नेपालले दोस्रो ट्वान्टी-२० अन्तर्राष्ट्रियमा आइतबार अमेरिकासामु १ सय ७१ रनको चुनौतीपूर्ण लक्ष्य प्रस्तुत गरेको छ । अमेरिकाको डलासमा भइरहेको खेलमा पहिले ब्याटिङ गर्दै नेपालले ६ विकेट गुमाएर १ सय ७० रन बनाएको हो ।

नेपालको इनिङ्स कुशल भुर्तेलमा टिकेको थियो र उनले नटआउट रहेर ५४ बलमा ९२ रन बनाए । तयसमा सात चौका र छ छक्का सामेल थियो । अर्का नटआउट ब्याटर करण केसीले ६ रन बनाए ।

Kushal’s excellent performance by Nepal against the USA challenging goalनेपालको सुरुआत भने राम्रो रहेन र ११ रनको स्थितिमै ओपनर आसिफ सेखले विकेट गुमाए । उनले एक रन मात्र बनाए । अर्का ओपनर अनिल साहले भने २५ रनको योगदान गरे र त्यसमा दुई चौका र एक छक्का सामेल थियो । त्यसपछि गुल्सन झाले १२ बलमा १९ रन बनाए । उनको ब्याटबाट दुई चौका र एक छक्का निस्केको थियो ।

कप्तान रोहित पौडेलले भने १४ बलमा १८ रनको योगदान गरे । उनले दुई चौका प्रहार गरे । दीपेन्द्रसिंह ऐरीले दुई रन मात्रै बनाए । अमेरिकी बलरमध्ये नोसथुस केनजिग र जसदीप सिंहले दुई/दुई विकेट लिए ।नेपालले टस जितेर पहिले ब्याटिङको निर्णय गरेको थियो । तीन खेलको सिरिजमा नेपाल १–० ले अगाडि छ । नेपाल पहिलो ट्वान्टी-२० मा १७ रनले विजयी रहेको थियो ।