मानवसेवा आश्रम विराटनगरको भवन निर्माणमा तिब्रता, एक कोठा निर्माणको निम्ति लोहिया परिवारद्धारा ५,११,१११ योगदान।
मानवसेवा आश्रमका अभिभावक एवमं मानवताप्रेमी उदारमना लोहिया परिवारले मानवसेवा आश्रम विराटनगरमा निर्माणाधीन भवनको १ कोठा निर्माणको लागि ५ लाख ११ हजार १ सय ११ रुपैँया स प्रेम अपर्ण गर्नुभएको छ ।
बिराटनगर निवासी लोहिया परिवारले स्वर्गीय बुवा भगवान दास र आमा साबित्रीदेवी लोहिया ज्यूको सम्झनामा उक्त सहयोग प्रदान गर्नुभएको हो । मानवसेवा आश्रमलाई निरन्तर साथ, सहयोग र हौसला प्रदान गर्नुहुने ललीत कुमार लोहिया जितेन्द्र कुमार लोहिया, दिपक कुमार लोहिया, र सुनिल कुमार लोहिया लगायत सम्पूर्ण लोहीया परिवारले मानवीय मन्दीर निर्माण स्थलको अवलोकन समेत गर्नुभएको छ ।
उहाँहरुको यस सहयोगले लामो समयदेखि बेसहाराको लागि साहारा बन्दै आएको मानवसेवा आश्रमको सेवा प्रवाहमा थप योगदान र प्रेरणा मिलेको छ ।
योगदान एक पटकको, स्मरण सँधैभरको अभियान अन्तर्गत १ कोठा निर्माणको लागि सहयोग गर्नुभएको मानवताप्रेमी लोहिया परिवार बमोजिम उक्त कोठाको नामाकरण र समुद्घाटन गरिने छ । विराटनगर महानगरपालिका ५ धनिया टोलमा मानवसेवा आश्रम विराटनगर शाखाको भवन निर्माण भईरहेको छ ।
खुला आकाशमुनी सडकपेटी एवं सार्वजनिक स्थलहरुमा कष्टपुर्ण जीवनयापन गर्न विवश सहयोगापेक्षी (अनाथ, अपाङ्ग, अशक्त, असहाय एवं मनोरोगी) मानवहरुको सेवामा जुट्दै आएको मानवसेवा आश्रम यस्तै परोपकारी र मानवताप्रेमी मनहरुको मुठी दानबाट सञ्चालित भईरहेको छ ।