साताको पहिलो कारोबार दिन आइतबार शेयर बजार परिसूचक नेप्से दोहोरो अंकले बढेको छ । आज ३१.६२ अंकले नेप्से बढेर २१२०.६२ अंकमा पुगेको छ । नेप्से बढेसँगै ठूला कम्पनीको कारोबार मापन गर्ने सेन्सेटिभ इन्डेक्स पनि उकालो लागेको छ । आज सेन्सेटिभ इन्डेक्स ४.०२ अंकले बढेर ३८८.१७ अंकमा पुगेर बन्द भएको छ ।

कारोबारका दृष्टिले आज नेपाल रिइन्स्योरेन्स कम्पनीको प्रोमोटर शेयरको सर्वाधिक कारोबार भयो । यो कम्पनीको प्रोमोटर शेयर ३५ करोड ६८ लाख ३८ हजार ७२० रुपैयाँको कारोबार भयो । त्यस्तै सोनापुर मिनरल्स एन्ड आयल कम्पनीको २४ करोड ३ लाख १२ हजारको कारोबार हुँदा हाथवे इन्भेस्टमेन्ट नेपाल लिमिटेडको ११ करोड ८३ लाख ११ हजारको कारोबार भयो ।