कञ्चनपुरको भीमदत्त नगरपालिका–६ का वडाध्यक्ष मृत अवस्थामा फेला परेका छन्।
जिल्ला प्रहरी कार्यालय कञ्चनपुरका प्रमुख प्रहरी उपरीक्षक कमल थापाका अनुसार भीमदत्त–६ ऐठपुरस्थित सडकमा बुधबार राति वडाध्यक्ष खड्काको शव फेला परेको हो।
उनको मोटरसाइकल दुर्घटनामा परी मृत्यु भएको हुन सक्ने आशंका गरिएको थापाले बताए।
बाटोमा राखिएका पाइपमा ठोक्किएर मोटरसाइकल दुर्घटना भएको देखिएको थापाले बताए।
उनले भीमदत्त नगरप्रमुख पदम बोगटीसहित जनप्रतिनिधिलाई घटनाबारे जानकारी गराएको बताए।
घटनाको विस्तृत अनुसन्धान भइरहेको उनले बताए। बुधबार दिउँसो भीमदत्त नगरपालिकामा आयोजित सार्वजनिक सुनुवाइमा वडाध्यक्ष खड्का सहभागी भएका थिए।
