सप्तरी प्रहरीले ठूलो परिमाणमा गाँजासहित एक जनालाई पक्राउ गरेको छ।
शुक्रबार राति ८ बजे प्रहरीले खडक नगरपालिका-७ कल्याण चोकस्थित पूर्व-पश्चिम राजमार्गबाट राईलाई पक्राउ गरेको हो।पक्राउ पर्नेमा धनकुटा सहिदभूमि गाउँपालिका-४ का ३२ वर्षीय विशेष राई छन्।
उनले चलाएर ल्याएको बालुवा लोड भएको को१ख ५८३१ नम्बरको टिपर रोकेर चेकजाँच गर्दा गाँजा फेला परेको सप्तरी प्रहरी प्रवक्ता प्रहरी नायब उपरीक्षक ढुन्डीराज न्यौपानेले बताए।
टिपरमा २८ बोरा गाँजा थियो। सो गाँजा तौलिँदा १० क्वीन्टल ६ किलो परिमाण देखिएको न्यौपानेले बताए।
