इलाका प्रहरी कार्यलय दमक र क्लब हिमालयन टाइगर दमक शाखाको संयुक्त आयोजनामा दमक वाडनम्बर १० आमबाडीमा अवस्थित श्री कन्चन बाल केन्द्रमा न्यानो कपडा white board र म्याट वितरण कार्यक्रम सम्पन्न भएको छ। चिसो मौसममा न्यानो कपडा र पठन पाठनमा केहि भएपनि टेवा पुगोस भन्ने हेतुले सो कार्यक्रमको आयोजना गरिएको कार्यक्रम संयोजक खगेन्द्र बजगाइले बताउनुभयो। कार्यक्रमको पहलकदमी दमक १० निवासी क्लबका आजिवन सदस्य पदम बहादुर राउतले गर्नु भएको थियो। बालकेन्द्रमा अध्ययनरत १४ बालबालिका सहित आसपास क्षेत्रमा रहेका निम्न वर्गका बालबालिका गरि जम्म ९० जना बालबालिकालाइ न्यानो कपडा वितरण गरिएको छ। कार्यक्रमको सभापतित्व क्लब हिमालयन टाइगर दमक शाखा अध्यक्ष मेघनाथ फुयालले गर्नुभएको थियो भने प्रमुख अतिथीमा इलाका प्रहरी कार्यलय दमकका प्रहरी नायब उपरीक्षक मनोज कुमार लामा र विशिष्ट अतिथीमा दमक उद्धोग वाणिज्य संघका वरिष्ठ उपाध्यक्ष एवं क्लब हिमालयन टाइगरका केन्द्रिय महासचिव राजु खड्का रहनु भएको थियो। कार्यक्रम संचालन क्लबका दमक शाखा सचिव राजु अधिकारीले गर्नु भएको थियो।