काठमाडौँ । काठमाडौँ जिल्ला अदालतले पाँच दिन हिरासतमा राख्न आदेश दिएका राष्ट्रिय प्रजातन्त्र पार्टी राप्रपाका वरिष्ठ उपाध्यक्ष रविन्द्र मिश्र र महामन्त्री धवलशमशेर जबरालाई उपचारको व्यवस्था मिलाउन आदेश दिएको छ ।
रविन्द्र र धवलले अदालत समक्ष आफूहरुलाई सन्चो नभएको बताएपछि अदालतले प्रहरीलाई उपचारको व्यवस्था गर्न आदेश दिएको हो । अदालतले मिश्र र जबरासहित ११ जनालाई पाँचदिन हिरासतमा राख्न प्रहरीलाई अनुमति दिएको छ । अदालतले अन्य ३० जनालाई चार दिन हिरासतमा राख्न अनुमति दिएको छ
गत चैत १५ गते शुक्रबार तीनकुनेमा भएको प्रदर्शनमा संलग्न रहेको आरोपमा उनीहरुलाई पक्राउ गरेको थियो ।
चैत १५ गते तीनकुनेमा भएको हिंसात्मक आन्दोलनका क्रममा राप्रपा वरिष्ठ उपाध्यक्ष रविन्द्र मिश्र आक्रामक मुद्रामा ।
साथै तीनकुने, कोटेश्वर र जडिबुटी क्षेत्रमा तोडफोड, आगजनीसमेत भएको थियो । सवारी साधन जलाइएको थियो । निजी सम्पत्तिमाथि आगो लगाइएको थियो । सञ्चारगृहमा आक्रमण भएको थियो ।
