आइतबार पार्टी कार्यालय सानेपामा बसेको कार्यसम्पादन समितिको बैठकले काङ्ग्रेस आफ्नै मूल्य मान्यताअनुसार अगाडि बढ्नुपर्ने तर एमाले र माओवादीको जुनियर पार्टनरका रुपमा अघि बढ्न नहुने निष्कर्ष निकालेको हो।

राजतन्त्र पुनर्स्थापनाको पक्षमा सडकमा समेत प्रदर्शन हुन थालिसकेपछि त्यसका विरुद्धमा एमाले र माओवादीसँग मिलेर गणतान्त्रिक मोर्चा बनाउने प्रस्तावमा सभापति देउवा सहमत भएका थिए। तर पार्टीको आधिकारिक थलोबाटै त्यसलाई अनुमोदन गर्नुपर्ने नेताहरूको अडानबाट रोकेको उक्त कार्यसम्पादन समितिले समेत अस्वीकृत गरेको हो।

आइतबार सकिएको बैठकले कांग्रेस संविधान र संविधानमा आधारित संघीय लोकतान्त्रिक गणतन्त्रप्रति पूर्ण प्रतिबद्ध रहने निर्णय गरेको छ।

बैठकमा नेताहरू अर्जुननरसिंह केसी एनपी साउद शंकर भण्डारी लगायतले कांग्रेस अरु पार्टीको बहकाउमा लाग्न नहुने धारणा राखेका थिए। त्यस्तै चन्द्र भण्डारी र शंकर भण्डारीले पार्टीको निर्णय बेगर कुनै पनि किसिमका ठूला राजनीतिक निर्णय नलिन नेतृत्वलाई सुझाव दिएका थिए। बैठकमा शंकर भण्डारी दोयले धर्मनिरपेक्ष ताको पक्षमा यसअघि महासमिति बैठकमा पेश भएको प्रस्तावलाई बिउत्याउने चेतावनी दिएको एक नेताले जानकारी दिए।

नेताहरूले जनतामा देखिएको असन्तुष्टि सम्बोधन गर्न सरकारले प्रभावकारी रूपमा काम गर्नुपर्ने सुझाव दिएका छन् । सुझावका आधारमा बैठकपछि जारी गरिएको विज्ञप्तिमा देशमा रहेका विभिन्न किसिमका विकृति विसंगति र समस्याको समाधानका लागि पार्टीले अग्रसरता लिने रेको छ।