विराटनगर, – विराटनगरको सहिद रंगशालामा जारी नवौँ संस्करणको विराट गोल्डकपमा आज सशस्त्र प्रहरी बल (एपीएफ) र नेपाल पुलिस क्लबबीच प्रतिस्पर्धा हुँदैछ। विभागीय टोलीहरूबीचको यो खेल रोमाञ्चक हुने अपेक्षा गरिएको छ। खेल साँझ ६:३० बजे सुरु हुने आयोजकले जनाएको छ।
मंगलबार राति सम्पन्न खेलमा एपीएफले भारतको शुभेदा दिल्ली फुटबल क्लबलाई टाइब्रेकरमा ५–३ गोल अन्तरले पराजित गर्दै क्वार्टर फाइनल यात्रा तय गरेको थियो। एपीएफको शानदार जितपछि टोली उच्च मनोबलका साथ मैदानमा उत्रनेछ।
यसअघि, बुधबार राति सम्पन्न खेलमा त्रिभुवन आर्मी क्लबले आयोजक मोरङ एफएलाई १–० गोल अन्तरले पराजित गरेको थियो।
विराट गोल्डकपमा देश तथा विदेशका विभिन्न क्लब सहभागी छन्। प्रतियोगितालाई अझ रोमाञ्चक बनाउन आयोजकले विशेष तयारी गरेको बताएको छ। आजको खेल विभागीय टोलीहरूबीचको प्रतिस्पर्धा भएकाले फुटबलप्रेमीहरूका लागि थप उत्साहजनक रहनेछ।
