निसान म्याग्नाइटको नयाँ फेसलिफ्ट संस्करण नेपालमा सार्वजनिक, मूल्य रू. ३४.७५ लाखदेखि सुरू..

Logo
Bhojraj Ghimire शुक्रबार, फाल्गुण १६, २०८१

बिराटनगर, १२ फागुन २०८१ – नेपालका लागि निसान गाडीको आधिकारिक वितरक पायोनियर मोटो कर्प प्रा.लि. को बिराटनगर शाखाले सोमबार निसान म्याग्नाइटको नयाँ फेसलिफ्ट संस्करण सार्वजनिक गरेको छ। यो नयाँ संस्करण अझ ‘बोल्डर’ डिजाइन, उत्कृष्ट सुरक्षा सुविधाहरू, तथा अत्याधुनिक प्रविधिसहित प्रस्तुत गरिएको छ।

नयाँ म्याग्नाइटको प्रारम्भिक मूल्य रू. ३४.७५ लाख तोकिएको छ भने यसको उच्च भेरियन्टको मूल्य रू. ५२.९९ लाखसम्म पर्न जान्छ। यस संस्करणमा ‘भिजिया’, ‘एक्सेन्टा’, ‘एन-कनेक्टा’, र ‘टेक्ना-प्लस’ गरी चार भेरियन्ट उपलब्ध छन्। गाडीमा कुल १३ प्रकारका कन्फिगरेसनहरू रहेका छन्, जसमा ‘टर्बो-पेट्रोल’ र ‘नेचुरली एस्पिरेटेड इञ्जिन’ विकल्प उपलब्ध छन्।

बिराटनगरस्थित निसान सोरुममा आयोजित सार्वजनिकिकरण कार्यक्रममा शारडा ग्रुपका निर्देशक प्रदीप कुमार शारडा, पायोनियर मोटोकर्पका शाखा प्रमुख अमित अग्रवाल, वरिष्ठ व्यवसायी , समाजसेवी निसान नेपालका प्रतिनिधि , र संचार कर्मी हरु को उपस्थितिमा नयाँ फेसलिफ्टको अनावरण गरिएको थियो।

सुरक्षा र विशेषता

नयाँ निसान म्याग्नाइट फेसलिफ्टमा ४० भन्दा बढी स्ट्यान्डर्ड सुरक्षा विशेषताहरू समावेश गरिएको छ। गाडीमा ६ वटा एयरब्याग, ३-पोइन्ट सिटबेल्ट, तथा ‘सिटबेल्ट-रिमाइन्डर प्रणाली’ रहेका छन्। साथै, ‘हाइ-टेन्साइल स्टिल केज बडी’ तथा ‘इम्प्याक्ट-अब्जोर्बिङ कम्पोनेन्ट’ हरूले थप सुरक्षा प्रदान गर्छन्।

डिजाइन र इन्टेरियर

यस गाडीमा ‘डुअल-टोन ग्रिल’, ‘फ्लोटिङ स्किड प्लेट’, तथा ‘एलईडी टेल ल्याम्प’ राखिएको छ। गाडीको इन्टेरियरमा ‘लेदरेट’ सिटहरू, ‘ड्यासबोर्ड ट्रिम’, तथा ‘६०:४० रियर सिट स्प्लिट’ सुविधा उपलब्ध छन्।

नवप्रवर्तन र प्रविधि

गाडीमा ‘इलेक्ट्रोनिक बेजललेस अटोडिमिङ रियरभ्यू मिरर’, ‘कन्टिन्युअस मल्टि-कलर एम्बिएन्ट लाइटिङ’, तथा ‘प्लाज्मा क्लस्टर आयोनाइजर’ जस्ता प्रविधि समावेश छन्। साथै, ‘रिमोट इन्जिन स्टार्ट’ सुविधा रहेको यो गाडी श्रेणी-उत्कृष्ट ड्राइभिङ अनुभव प्रदान गर्ने बताइएको छ

निसान नेपालले नयाँ म्याग्नाइट फेसलिफ्टको प्रत्यक्ष अनुभव गर्न तथा विस्तृत जानकारीका लागि नजिकको निसान सोरुममा जान ग्राहकहरूलाई आह्वान गरेको छ।

तपाईको प्रतिक्रिया
RED FM

हाम्रो टिम

छिटै आउदै छ

सम्पर्क

Red FM 101 MHz
Biratnagar Morang Nepal
E-mail: [email protected]
Web: www.redfm.com.np
Facebook: fb.com/redfm.com.np
Phone: 9825378356