अहिले उनले ब्रान्डिङ गरेको रक्सी पाटन दरबार क्षेत्रमा चलिरहेको आदिवासी जनजाति सांस्कृतिक महोत्सवमा प्रदर्शनमा राखिएको छ । वैदेशिक रोजगारको सिलसिलामा ५ वर्ष मलेसिया बसेर केही महिनाअघि नेपाल फर्केका हुन्, कनक ।

परिवारसँग मिलेर पाटन कुम्भेश्वरमा घरेलु उद्योग खोले । रक्सीसँगै अचारको उत्पादन थाले । अहिले बिक्रीका लागि ट्रायल पेजमा रहेको उनी भन्छन्, ‘महोत्सवले ब्रान्डिङको प्रचार गर्न अवसर दियो । धेरैले अर्डर दिएर गएका छन् ।’

महोत्सवमा भाग लिन जनकपुर धनुषा धनौजी गाउँपालिका–२ बाट लक्ष्मण मण्डलको नेतृत्वमा ५ जना पाटन आएका छन् । उनीहरूले मिथिला आर्टको महत्त्व र संस्कृतिलाई व्यवसायीसँग जोड्न सकिन्छ भनी सन्देश दिन महोत्सवमा सहभागी भएको बताए ।