विराटनगर– नेपाल प्रिमियर लिग(एनपिएल) को सुरुवात टिमले चाहे अनुसारको हुन नसकेको विराटनगरका कप्तान सन्दीप लामिछानेले बताएका छन् ।
सिद्धार्थ बैंक एनपिएलमा सुरुवाती दुई खेलमा लगातार पराजित पछि कुराकानी गर्दै आफु लगायतको प्रदर्शन सोचेको जस्तो आउन नसकेको कप्तान सन्दीपले बताए ।
‘टोलीमा म लगायतबाट जुन आशा रहेको थियो । त्यस अनुसारको प्रदर्शन देखाउन सकेका छैनौं । अरु खेलहरुमा प्रदर्शन सुधार्ने छौं,’ सन्दीपले भने ‘हामीहरुले आज सुदूरपश्चिमविरुद्ध नराम्रो खेलेका भन्दा नि उहाँहरुले राम्रो खेल्नु भयो ।’
उता, विराटनगरलाई पराजित गरेको सुदूरपश्चिमका कप्तान दीपेन्द्रसिंह ऐरीले आफुले हाम्रो खेल हेर्न आउनु भएको दर्शकबाट दबाब अनुभव नगरेको बताए ।
‘दर्शकको यस्तो माहोलले गरेर राम्रो अनुभव भएको छ । यस्तो माहोलले हामीलाई अघि बढाउन धेरै सहयोग पुग्नेछ,’ कप्तान दीपेन्द्रले बताए । आजको पहिलो खेलमा सुदूरपश्चिमले विराटनगर किंग्सलाई ९० रनले पराजित गरेको थियो ।
