हेटौंडा —मकवानपुर प्रहरीले हेटौंडा उपमहानगरपालिका—१९ नेवारपानीस्थित पूर्व-पश्चिम राजमार्गको रजैयामा १ सय ५ केजी गाँजासहित एक जनालाई पक्राउ गरेको छ ।
नेवारपानीस्थित प्रहरी चौकीबाट खटिएकफ प्रहरीले शंका लागि वाग्मती प्रदेश ०१–०२५ च ७८७१ नं. को योद्धा पिकअप शंका लागि खानतलासी गर्दा १०५ केजी ६९ ग्राम गाँजा फेला पार्नुको साथै गाडीभित्र रहेका २४ वर्षीय पन्चलाल थिङलाई नियन्त्रणमा लिएको थियो । पक्राउ परेका थिङ हेटौंडा उपमहानगरपालिका-१९ का बासिन्दा हुन् ।
जंगल छेउमा रोकिराखेको गाडीभित्र ३ वटा बोरामा रातो प्लास्टिकले बेरिएको १० वटा पोकामा गाँजा लुकाएर ल्याएको थियो । प्रहरीले पक्राउ परेका थिङलाई मकवानपुर जिल्ला अदालतबाट ८ दिनको म्याद अनुमति लिई थप अनुसन्धान कार्य भइरहेको जनाएको छ ।
