काठमाडौँ — लिभरपुलले इंग्लिस प्रिमियर लिगमा पुछारको सेफिल्ड युनाइटेडलाई ३–१ ले हराउन बिहीबार संघर्ष गर्नु परेको छ । तर यो जितपछि लिभरपुल शीर्ष स्थानमा भने उक्लेको छ । उसको ७० अंक भएको छ र यो दोस्रोमा रहेको आर्सनलमाथि दुई अंकको अग्रता हो ।
खेल बराबरीतर्फ अग्रसर भएको स्थितिमा लिभरपुलका लागि एलेक्स म्याक एलिस्टरले ७६ औं मिनेटमा गोल गर्दै टिमलाई अग्रता दिलाएका थिए । त्यसपछि खेलको अन्त्यतिर कोडी गाक्पोले गोल थपे ।
बिहीबारकै अर्को खेलमा चेल्सीले म्यानचेस्टरमाथि सनसनीपूर्ण ४–३ को जित रच्यो । कोल पाल्मरले दोस्रो हाफको इन्ज्युरी समयमा दुई गोल गर्दै चेल्सीलाई यो पुर्नआगमन जित दिलाएका हुन् ।
